الملك الناصر صلاح الدين يوسف بن أيوب بن شادى بن مروان [1] ( إتولد سنة 1137 فى تكريت، العراق - إتوفى 4 مارس سنة 1193 فى دمشق ) ، قضى على الفاطميين و مذهبهم الشيعى فى مصر و أسس الدوله الأيوبيه فى مصر و بقى سلطان مصر و الشام.
قائد كردي مسلم كبير من العصور الوسطى نال احترام الشرق و الغرب ، من أصل كردى أو عربى [2][3][4][5] [6]، ومحارب فذ، حارب الصليبيين و انتصر عليهم فى معركه ضخمه اتعرفت بإسم معركة حطين و قدر يرجع القدس للمسلمين بعد ما فضلت 90 سنة فى إيد الصليبيين، بعد ما وحد مصر والشام عشان يحاصر الصليبيين ويعمل جيش قوي يمنع بيه غارات الفرنج على مصر والشام والمنطقه العربيه.
عاش صلاح الدين عشر سنين فى دمشق فى بلاط نور الدين محمود و اشترك مع عمه اسد الدين شيركوه فى حملات بعتها نور الدين محمود على مصر فى عهد الخليفه العاضد الفاطمى الل صلاح الدينى بقى وزيره بعد وفاة عمه . بعد صلاح الدين ما قوى مركزه فى مصر شال اسم الخليفه العاضد من خطبة الجمعه و قضى على الخلافه الفاطميه و المذهب الشيعى فى مصر سنة 1171 و اعلن استقلاله بعد وفاة نور الدين محمود سنة 1174 و نصب نفسه سلطان عل مصر و ضم دمشق و حمص و حماه و حلب.
الجمعة أبريل 25, 2014 9:54 pm من طرف 
